ಸರ್ಕಾರಿ ಅಧಿಕೃತ ದಾಖಲೆಗಳಲ್ಲಿ ತಂದೆಯ ಹೆಸರನ್ನು ಐಚ್ಛಿಕಗೊಳಿಸುವ ಕುರಿತು ರಾಜ್ಯ ಮಟ್ಟದ ನೀತಿ ಸಮಾಲೋಚನೆ

ಬೆಂಗಳೂರು : ಎಲ್ಲಾ ಅಧಿಕೃತ ದಾಖಲೆಗಳಲ್ಲಿ ತಂದೆಯ ಹೆಸರನ್ನು ಐಚ್ಛಿಕಗೊಳಿಸುವುದು ಎಂಬ ವಿಷಯದ ಕುರಿತು ಎರಡು ದಿನಗಳ ರಾಜ್ಯ ಮಟ್ಟದ ನೀತಿ ಸಮಾಲೋಚನಾ ಸಭೆಯನ್ನು ೨೦೨೬ರ ಅಕ್ಟೋಬರ್ ೬ ಮತ್ತು ೭ರಂದು ಬೆಂಗಳೂರಿನಲ್ಲಿ ಆಯೋಜಿಸಲಾಯಿತು.
ಈ ಸಮಾಲೋಚನೆಯನ್ನು ಕರ್ನಾಟಕ ರಾಜ್ಯ ಕಾನೂನು ಸೇವೆಗಳ ಪ್ರಾಧಿಕಾರ , ಮತ್ತು ಕರ್ನಾಟಕ ರಾಜ್ಯ ಮಕ್ಕಳ ಹಕ್ಕುಗಳ ರಕ್ಷಣಾ ಆಯೋಗ, ಚಿಲ್ಡ್ರನ್ ಆಫ್ ಇಂಡಿಯಾ ಫೌಂಡೇಶನ್ , ಸಹಯೋಗದೊಂದಿಗೆ ಆಯೋಜಿಸಿದ್ದವು.
ಈ ಸಮಾಲೋಚನಾ ಸಭೆಯಲ್ಲಿ ವಿವಿಧ ಸರ್ಕಾರಿ ಇಲಾಖೆಗಳು, ಕಾನೂನು ಸೇವಾ ಸಂಸ್ಥೆಗಳು, ಮಕ್ಕಳ ಹಕ್ಕುಗಳ ಸಂಸ್ಥೆಗಳು, ನಾಗರಿಕ ಸಮಾಜ ಸಂಸ್ಥೆಗಳು, ಸಮುದಾಯದ ಪ್ರತಿನಿಧಿಗಳು ಹಾಗೂ ತಂದೆಯ ಹೆಸರು ಲಭ್ಯವಿಲ್ಲದ, ತಿಳಿದಿಲ್ಲದ ಅಥವಾ ನೀಡಲು ಸಾಧ್ಯವಾಗದ ಕಾರಣದಿಂದ ತೊಂದರೆಗಳನ್ನು ಎದುರಿಸಿರುವ ಮಕ್ಕಳು ಮತ್ತು ಕುಟುಂಬಗಳ ಪ್ರತಿನಿಧಿಗಳು ಭಾಗವಹಿಸಿದ್ದರು.

ಪ್ರಮುಖ ಅಭಿಪ್ರಾಯಗಳು ಮತ್ತು ಶಿಫಾರಸುಗಳು
ಶಿಕ್ಷಣ ಇಲಾಖೆ
ಶಿಕ್ಷಣ ವ್ಯವಸ್ಥೆಯಲ್ಲಿ ಈಗಾಗಲೇ ಇರುವ ನಿಯಮಗಳು ಮತ್ತು ನಿರ್ದೇಶನಗಳ ಪರಿಣಾಮಕಾರಿ ಅನುಷ್ಠಾನಕ್ಕೆ ಹೆಚ್ಚಿನ ಒತ್ತು ನೀಡಬೇಕೆಂದು ಸಮಾಲೋಚನಾ ಸಭೆ ಕರೆ ನೀಡಿತು.
ಏಕ ಪೋಷಕ ಕುಟುಂಬಗಳು ಹಾಗೂ ವಿವಿಧ ರೀತಿಯ ಕುಟುಂಬ ಪರಿಸ್ಥಿತಿಗಳಲ್ಲಿರುವ ಮಕ್ಕಳು ತಂದೆಯ ಹೆಸರನ್ನು ನೀಡುವಂತೆ ಒತ್ತಡಕ್ಕೆ ಒಳಗಾಗದಂತೆ ಶಿಕ್ಷಕರು, ವಿದ್ಯಾರ್ಥಿಗಳು ಮತ್ತು ಶಾಲಾ ಸಿಬ್ಬಂದಿಗೆ ಸೂಕ್ತ ಅರಿವು ಮೂಡಿಸಬೇಕು.
ವಿದ್ಯಾರ್ಥಿಗಳ ಮೇಲಿನ ಕಿರುಕುಳ, ತಾರತಮ್ಯ ಹಾಗೂ ಎಲ್ಲರನ್ನು ಒಳಗೊಂಡ ಶಿಕ್ಷಣ ಪದ್ಧತಿಗೆ ಸಂಬ0ಧಿಸಿದ ಅರಿವನ್ನು ಜಿಲ್ಲಾ ಶಿಕ್ಷಣ ಮತ್ತು ತರಬೇತಿ ಸಂಸ್ಥೆಗಳು () ರಿಂದ ಮುಖ್ಯ ಶಿಕ್ಷಕರು ಮತ್ತು ಶಿಕ್ಷಕರವರೆಗೆ ಎಲ್ಲಾ ಹಂತಗಳಲ್ಲಿ ಬಲಪಡಿಸಬೇಕು.
ಅನ್ವಯವಾಗುವ ನಿಯಮಗಳಿದ್ದರೂ, ವಿಶೇಷವಾಗಿ ಮಗು ದೇವದಾಸಿ ಕುಟುಂಬಕ್ಕೆ ಅಥವಾ ಏಕ ಪೋಷಕ ಕುಟುಂಬಕ್ಕೆ ಸೇರಿದೆ ಎಂದು ತಿಳಿದಿದ್ದರೂ, ಶಿಕ್ಷಕರು ಅಥವಾ ಶಾಲಾ ಸಿಬ್ಬಂದಿ ಉದ್ದೇಶಪೂರ್ವಕವಾಗಿ ತಂದೆಯ ಹೆಸರನ್ನು ಒತ್ತಾಯಿಸಿದರೆ, ಅಂತಹ ವರ್ತನೆಯನ್ನು ತಾರತಮ್ಯಪೂರ್ಣ ವರ್ತನೆ ಎಂದು ಪರಿಗಣಿಸಿ, ಸೂಕ್ತ ಹೊಣೆಗಾರಿಕೆ ಮತ್ತು ಉತ್ತರದಾಯಿತ್ವದ ವ್ಯವಸ್ಥೆಗಳನ್ನು ರೂಪಿಸಬೇಕು.
ತಂದೆಯ ಗುರುತಿಗೆ ಸಂಬ0ಧಿಸಿದ ದಾಖಲೆಗಳ ಅಗತ್ಯತೆಯಿಂದಾಗಿ ಮಕ್ಕಳು ತಮ್ಮ ಶಿಕ್ಷಣವನ್ನು ಯಾವುದೇ ಅಡಚಣೆಯಿಲ್ಲದೆ ಮುಂದುವರಿಸಲು ಸಾಧ್ಯವಾಗುವಂತೆ ನೋಡಿಕೊಳ್ಳಬೇಕು.
ಶಿಕ್ಷಣ ಸಂಸ್ಥೆಗಳು ವಿದ್ಯಾರ್ಥಿಗಳು ಮತ್ತು ಕುಟುಂಬಗಳಲ್ಲಿ ಕಾನೂನು ಅರಿವು, ಸಮಾನತೆ ಮತ್ತು ತಾರತಮ್ಯರಹಿತ ಮನೋಭಾವವನ್ನು ಉತ್ತೇಜಿಸುವ ಕಾರ್ಯಕ್ರಮಗಳು ಹಾಗೂ ಜಾಗೃತಿ ಚಟುವಟಿಕೆಗಳನ್ನು ಆಯೋಜಿಸಬೇಕು.

ಕರ್ನಾಟಕ ರಾಜ್ಯ ಕಾನೂನು ಸೇವೆಗಳ ಪ್ರಾಧಿಕಾರ
ಶ್ರೀ. ಶ್ರೀಧರ್, ಉಪ ಕಾರ್ಯದರ್ಶಿ, , ಭಾರತದಲ್ಲಿ ಸಮಾನತೆ, ಮಕ್ಕಳ ರಕ್ಷಣೆ, ಮಹಿಳೆಯರ ಹಕ್ಕುಗಳು ಮತ್ತು ಲೈಂಗಿಕ ಅಪರಾಧಗಳಿಂದ ರಕ್ಷಣೆಗೆ ಸಂಬ0ಧಿಸಿದ ಸಂವಿಧಾನಾತ್ಮಕ ರಕ್ಷಣೆಗಳು ಹಾಗೂ ಹಲವು ಕಾನೂನುಗಳು ಈಗಾಗಲೇ ಜಾರಿಯಲ್ಲಿವೆ ಎಂದು ತಿಳಿಸಿದರು.
ಈ ಕಾನೂನು ರಕ್ಷಣೆಗಳು ನೆಲಮಟ್ಟದಲ್ಲಿ ಪರಿಣಾಮಕಾರಿಯಾಗಿ ತಲುಪುವಂತೆ ಮಾಡುವುದು ಮತ್ತು ತಮ್ಮ ಹಕ್ಕುಗಳಿಗೆ ಧಕ್ಕೆಯಾದ ಸಂದರ್ಭದಲ್ಲಿ ಮಕ್ಕಳು ಹಾಗೂ ಕುಟುಂಬಗಳು ಎಲ್ಲಿ ಸಹಾಯ ಪಡೆಯಬಹುದು ಎಂಬುದರ ಕುರಿತು ಅರಿವು ಹೊಂದುವ0ತೆ ಮಾಡುವುದು ಅಗತ್ಯವೆಂದು ಸಮಾಲೋಚನಾ ಸಭೆಯಲ್ಲಿ ಒತ್ತಿಹೇಳಲಾಯಿತು.
ಅಧಿಕೃತ ದಾಖಲೆಯಲ್ಲಿ ತಪ್ಪಾದ, ಸಂಬ0ಧವಿಲ್ಲದ ಅಥವಾ ಅನಧಿಕೃತ ವ್ಯಕ್ತಿಯ ಹೆಸರನ್ನು ನಮೂದಿಸಿರುವ ಸಂದರ್ಭಗಳಲ್ಲಿ, ಕುಟುಂಬಗಳು ಕಾನೂನು ನೆರವು ಪಡೆಯಲು ಮತ್ತು ಅಂತಹ ದಾಖಲೆಗಳನ್ನು ಸರಿಪಡಿಸಿಕೊಳ್ಳಲು ಸೂಕ್ತ ವ್ಯವಸ್ಥೆಗಳನ್ನು ಹೊಂದಿರಬೇಕು ಎಂದು ತಿಳಿಸಲಾಯಿತು. ಕಾನೂನು ಶಿಬಿರಗಳು ಮತ್ತು ಇತರ ಕಾನೂನು ನೆರವು ವ್ಯವಸ್ಥೆಗಳು ಇಂತಹ ದಾಖಲೆಗಳ ತಿದ್ದುಪಡಿಗೆ ಕುಟುಂಬಗಳಿಗೆ ನೆರವಾಗುವಲ್ಲಿ ಪ್ರಮುಖ ಪಾತ್ರ ವಹಿಸಬಹುದು.
ಮಕ್ಕಳು ಅಥವಾ ಮಹಿಳೆಯರನ್ನು ದೇವದಾಸಿಯರಾಗಿ ಅರ್ಪಿಸುವುದನ್ನು ತಡೆಯುವುದು ಸಾಮೂಹಿಕ ಜವಾಬ್ದಾರಿಯಾಗಿದೆ ಎಂದು ಉಪ ಕಾರ್ಯದರ್ಶಿಗಳು ಒತ್ತಿಹೇಳಿದರು. ಇಂತಹ ಪ್ರಕರಣಗಳನ್ನು ವರದಿ ಮಾಡಲು ಮತ್ತು ತಡೆಗಟ್ಟುವ ಕ್ರಮಗಳಿಗೆ ಸಹಕರಿಸಲು ಸಮುದಾಯಗಳು, ಕುಟುಂಬಗಳು ಮತ್ತು ವ್ಯಕ್ತಿಗಳನ್ನು ಪ್ರೋತ್ಸಾಹಿಸಬೇಕು. ಕುಟುಂಬ ಮತ್ತು ಸಮುದಾಯ ಮಟ್ಟದಿಂದಲೇ ಅರಿವು ಹಾಗೂ ಹಸ್ತಕ್ಷೇಪ ಪ್ರಾರಂಭವಾಗಬೇಕು.
ಸಮುದಾಯಗಳಲ್ಲಿ ಕಾನೂನು ಅರಿವನ್ನು ಬಲಪಡಿಸುವ ಅಗತ್ಯವನ್ನು ಒತ್ತಿಹೇಳಲಾಯಿತು. ನಾಗರಿಕ ಸಮಾಜ ಸಂಸ್ಥೆಗಳ ಸಹಭಾಗಿತ್ವದಲ್ಲಿ ಶಿಕ್ಷಣ ಇಲಾಖೆಯು ಕಾರ್ಯಕ್ರಮಗಳು ಮತ್ತು ಜಾಗೃತಿ ಚಟುವಟಿಕೆಗಳನ್ನು ನಡೆಸುವಂತೆ ಪ್ರೋತ್ಸಾಹಿಸಲಾಯಿತು.
ದಾಖಲೆಗಳಿಗೆ ಸಂಬ0ಧಿಸಿದ ತಾರತಮ್ಯದಿಂದ ಮಕ್ಕಳು ಮತ್ತು ಕುಟುಂಬಗಳು ಎದುರಿಸುತ್ತಿರುವ ವ್ಯವಸ್ಥಾತ್ಮಕ ಅಡೆತಡೆಗಳನ್ನು ಪರಿಹರಿಸಲು ಮತ್ತು ಪರಿಹಾರ ಒದಗಿಸಲು ಉಚ್ಚ ನ್ಯಾಯಾಲಯದಲ್ಲಿ ಸಾರ್ವಜನಿಕ ಹಿತಾಸಕ್ತಿ ಅರ್ಜಿ (PIಐ) ಸೇರಿದಂತೆ ಸೂಕ್ತ ಕಾನೂನು ಕ್ರಮಗಳನ್ನು ಕೈಗೊಳ್ಳುವ ಸಾಧ್ಯತೆಯನ್ನೂ ಚರ್ಚಿಸಲಾಯಿತು.

೩. ಆರೋಗ್ಯ ಇಲಾಖೆ
ಶ್ರೀಮತಿ ಇಂದೂಮತಿ, ಉಪ ನಿರ್ದೇಶಕರು, ಆರೋಗ್ಯ ಇಲಾಖೆ, ಮಹಿಳೆಯರು ಮತ್ತು ಕಿಶೋರಿಯರು ಆರೋಗ್ಯ ಸೇವೆಗಳನ್ನು ಪಡೆಯುವಲ್ಲಿ ಎದುರಿಸುತ್ತಿರುವ ಸಮಸ್ಯೆಗಳನ್ನು, ವಿಶೇಷವಾಗಿ ಕಿಶೋರಾವಸ್ಥೆಯ ಗರ್ಭಧಾರಣೆ ಮತ್ತು ಲೈಂಗಿಕ ಹಿಂಸೆಯಿAದ ಬದುಕುಳಿದವರ ಪ್ರಕರಣಗಳಲ್ಲಿ ಎದುರಾಗುವ ಸವಾಲುಗಳನ್ನು ವಿವರಿಸಿದರು.
ಇಂತಹ ಅನೇಕ ಸಂದರ್ಭಗಳಲ್ಲಿ ಮಹಿಳೆಯರು ಅಥವಾ ಕಿಶೋರಿಯರು ತಂದೆ ಅಥವಾ ಪತಿಯ ಹೆಸರನ್ನು ನೀಡಲು ಕಷ್ಟಪಡಬಹುದು ಅಥವಾ ಅದು ಅವರಿಗೆ ಸುರಕ್ಷಿತವಾಗಿರದಿರಬಹುದು. ಅಂತಹ ಮಾಹಿತಿಯನ್ನು ನೀಡಲು ಸಾಧ್ಯವಾಗದಿರುವುದು ಅಥವಾ ನೀಡಲು ಇಚ್ಛಿಸದಿರುವುದು ಅಗತ್ಯ ಆರೋಗ್ಯ ಸೇವೆಗಳನ್ನು ಪಡೆಯಲು ಅಡ್ಡಿಯಾಗಬಾರದು ಎಂದು ಸಮಾಲೋಚನಾ ಸಭೆ ಒತ್ತಿಹೇಳಿತು.
ಆದ್ದರಿಂದ ಇಂತಹ ಸಂದರ್ಭಗಳಲ್ಲಿ ಜನನ ನೋಂದಣಿ ಮತ್ತು ಆರೋಗ್ಯ ಸಂಬ0ಧಿತ ದಾಖಲೆಗಳಿಗೆ ಸಂಬ0ಧಿಸಿದ0ತೆ ಸ್ಪಷ್ಟವಾದ ಕಾರ್ಯವಿಧಾನಗಳನ್ನು ಆರೋಗ್ಯ ಇಲಾಖೆ ರೂಪಿಸಿ ಬಲಪಡಿಸಬೇಕು. ತಂದೆಯ ವಿವರಗಳು ಲಭ್ಯವಿಲ್ಲದ ಕಾರಣ ತಾಯಿ ಮತ್ತು ಮಕ್ಕಳಿಗೆ ಅನಗತ್ಯ ತೊಂದರೆ ಉಂಟಾಗದ0ತೆ ನೋಡಿಕೊಳ್ಳಬೇಕು.
ಕಾನೂನು ನೆರವು ಅಗತ್ಯವಿರುವ ಪ್ರಕರಣಗಳನ್ನು ಸೂಕ್ತ ರೀತಿಯಲ್ಲಿ ಉಲ್ಲೇಖಿಸುವಂತೆ ಭಾಗವಹಿಸಿದವರು ಸಲಹೆ ನೀಡಿದರು.

೪. ಆಂಧ್ರಪ್ರದೇಶ ಮತ್ತು ತೆಲಂಗಾಣದ ಅನುಭವಗಳು
ಆಂಧ್ರಪ್ರದೇಶ ಮತ್ತು ತೆಲಂಗಾಣ ರಾಜ್ಯ ಮಕ್ಕಳ ಹಕ್ಕುಗಳ ರಕ್ಷಣಾ ಆಯೋಗಗಳ ಪ್ರತಿನಿಧಿಗಳಾದ ಶ್ರೀಮತಿ ವಂದನಾ ಗೌಡರ್, ರಾಜ್ಯ ಮಕ್ಕಳ ಹಕ್ಕುಗಳ ರಕ್ಷಣಾ ಆಯೋಗ, ತೆಲಂಗಾಣ, ಮತ್ತು ಶ್ರೀ. ವಿ. ಗಾಂಧಿಬಾಬು, ರಾಜ್ಯ ಮಕ್ಕಳ ಹಕ್ಕುಗಳ ರಕ್ಷಣಾ ಆಯೋಗ, ಅವರು ತಂದೆ-ಕೇAದ್ರಿತ ದಾಖಲೆ ವ್ಯವಸ್ಥೆಯಿಂದ ಮಕ್ಕಳ-ಕೇಂದ್ರಿತ ವ್ಯವಸ್ಥೆಯತ್ತ ಸಾಗುವ ಅಗತ್ಯವನ್ನು ಒತ್ತಿಹೇಳಿದರು.
ತಮ್ಮ ತಮ್ಮ ರಾಜ್ಯಗಳ ಅನುಭವಗಳನ್ನು ಪ್ರತಿನಿಧಿಗಳು ಹಂಚಿಕೊAಡರು. ತಂದೆಯ ವಿವರಗಳು ಲಭ್ಯವಿಲ್ಲದ ಮಕ್ಕಳಿಗೆ ಎದುರಾಗುತ್ತಿರುವ ದಾಖಲೆ ಸಂಬAಧಿತ ಅಡೆತಡೆಗಳನ್ನು ಪರಿಹರಿಸಲು ಇದೇ ರೀತಿಯ ಚರ್ಚೆಗಳು ಮತ್ತು ಸಮಾಲೋಚನೆಗಳನ್ನು ಮುಂದುವರಿಸುವ ಆಸಕ್ತಿಯನ್ನು ವ್ಯಕ್ತಪಡಿಸಿದರು.
ನೆರೆ ರಾಜ್ಯಗಳ ಪ್ರತಿನಿಧಿಗಳ ಭಾಗವಹಿಸುವಿಕೆಯು ಈ ವಿಷಯದಲ್ಲಿ ರಾಜ್ಯಗಳ ನಡುವಿನ ಅನುಭವ ಹಂಚಿಕೆ ಮತ್ತು ಸಮನ್ವಯಿತ ವಕಾಲತ್ತಿಗೆ ಇರುವ ಅವಕಾಶವನ್ನೂ ತೋರಿಸಿಕೊಟ್ಟಿತು.
ವ್ಯಾಪಕ ಶಿಫಾರಸುಗಳು

ಸಮಾಲೋಚನಾ ಸಭೆಯಲ್ಲಿ ಕೆಳಗಿನ ಪ್ರಮುಖ ಶಿಫಾರಸುಗಳನ್ನು ಮಾಡಲಾಯಿತು:
ತಂದೆಯ ಹೆಸರನ್ನು ಅನಗತ್ಯವಾಗಿ ಕಡ್ಡಾಯಗೊಳಿಸಿರುವ ಸಂದರ್ಭಗಳನ್ನು ಗುರುತಿಸಲು ಸರ್ಕಾರವು ಸರ್ಕಾರಿ ಅರ್ಜಿಗಳು, ಆನ್ಲೈನ್ ಪೋರ್ಟಲ್ಗಳು, ಪ್ರಮಾಣಪತ್ರಗಳು, ಯೋಜನೆಗಳು ಮತ್ತು ಸೇವಾ ವಿತರಣಾ ವ್ಯವಸ್ಥೆಗಳ ರಾಜ್ಯವ್ಯಾಪಿ ಪರಿಶೀಲನೆ ನಡೆಸಬೇಕು.
ಅಗತ್ಯವಿರುವಲ್ಲಿ ಸರ್ಕಾರಿ ಅರ್ಜಿಗಳು ಮತ್ತು ಡಿಜಿಟಲ್ ವ್ಯವಸ್ಥೆಗಳಲ್ಲಿ ತಾಯಿಯ ಹೆಸರು, ಪೋಷಕರ ಹೆಸರು ಅಥವಾ ಮಗು/ಅರ್ಜಿದಾರರ ಸ್ವಂತ ವಿವರಗಳನ್ನು ಪರ್ಯಾಯವಾಗಿ ನೀಡಲು ಅವಕಾಶ ಕಲ್ಪಿಸಬೇಕು.
ಆನ್ಲೈನ್ ಅರ್ಜಿ ಪೋರ್ಟಲ್ಗಳಲ್ಲಿ ನಕ್ಷತ್ರ ಚಿಹ್ನೆ (*) ಮೂಲಕ ಕಡ್ಡಾಯವೆಂದು ಗುರುತಿಸಲಾದ ಕ್ಷೇತ್ರಗಳನ್ನು ಪರಿಶೀಲಿಸಬೇಕು. ಪರ್ಯಾಯ ವ್ಯವಸ್ಥೆಗಳು ಅಸ್ತಿತ್ವದಲ್ಲಿರುವ ಸಂದರ್ಭಗಳಲ್ಲಿ ತಂದೆಯ ಹೆಸರನ್ನು ಸ್ವಯಂಚಾಲಿತವಾಗಿ ಕಡ್ಡಾಯವೆಂದು ಪರಿಗಣಿಸದಂತೆ ನೋಡಿಕೊಳ್ಳಬೇಕು.
ಮುಂಚೂಣಿ ಹಂತದ ಸರ್ಕಾರಿ ಅಧಿಕಾರಿಗಳು, ಶಿಕ್ಷಕರು ಮತ್ತು ಸೇವೆ ಒದಗಿಸುವ ಸಿಬ್ಬಂದಿಗೆ ಸೂಕ್ತ ಅರಿವು ಮೂಡಿಸಿ, ಅಸ್ತಿತ್ವದಲ್ಲಿರುವ ನಿಯಮಗಳು ಮತ್ತು ಪರ್ಯಾಯ ದಾಖಲೆಗಳ ಕುರಿತು ಸ್ಪಷ್ಟ ಸೂಚನೆಗಳನ್ನು ನೀಡಬೇಕು.
ತಂದೆಯ ಹೆಸರನ್ನು ನೀಡಲು ಸಾಧ್ಯವಾಗದ ಕಾರಣ ಮಕ್ಕಳು ಮತ್ತು ಕುಟುಂಬಗಳಿಗೆ ಸೇವೆ ನಿರಾಕರಣೆ, ವಿಳಂಬ, ತಾರತಮ್ಯ ಅಥವಾ ಅನಗತ್ಯ ಹೆಚ್ಚುವರಿ ದಾಖಲೆಗಳ ಬೇಡಿಕೆ ಎದುರಾಗಬಾರದು.
ಇಂತಹ ಅಡೆತಡೆಗಳನ್ನು ಎದುರಿಸುವ ಮಕ್ಕಳು ಮತ್ತು ಕುಟುಂಬಗಳಿಗಾಗಿ ಸ್ಪಷ್ಟವಾದ ದೂರು ಪರಿಹಾರ ಮತ್ತು ಮೇಲ್ಮನವಿ/ಉನ್ನತ ಹಂತಕ್ಕೆ ಕೊಂಡೊಯ್ಯುವ ವ್ಯವಸ್ಥೆ ಸ್ಥಾಪಿಸಬೇಕು.
ಈ ಸಮಸ್ಯೆಯನ್ನು ಪ್ರತ್ಯೇಕ ಇಲಾಖೆಗಳ ಪ್ರತ್ಯೇಕ ನಿರ್ದೇಶನಗಳ ಮೂಲಕವಲ್ಲದೆ, ರಾಜ್ಯ ಮಟ್ಟದ ಸಮನ್ವಯಿತ ವ್ಯವಸ್ಥೆಯ ಮೂಲಕ ಎಲ್ಲಾ ಇಲಾಖೆಗಳಲ್ಲಿಯೂ ಪರಿಹರಿಸುವಂತೆ ಸರ್ಕಾರ ಕ್ರಮ ಕೈಗೊಳ್ಳಬೇಕು.
ಈಗಾಗಲೇ ನೀಡಿರುವ ನಿರ್ದೇಶನಗಳು ಜಿಲ್ಲಾ ಮತ್ತು ಕ್ಷೇತ್ರ ಮಟ್ಟದ ಅಧಿಕಾರಿಗಳಿಗೆ ಪರಿಣಾಮಕಾರಿಯಾಗಿ ತಲುಪುವಂತೆ ಮಾಡಿ, ಅವುಗಳ ಅನುಷ್ಠಾನವನ್ನು ಮೇಲ್ವಿಚಾರಣೆ ಮಾಡಬೇಕು.
ಉಳಿದ ಜಿಲ್ಲೆಗಳಲ್ಲಿ ಬಾಕಿ ಇರುವ ದೇವದಾಸಿ ಸಮುದಾಯಗಳ ಸಮೀಕ್ಷೆಯನ್ನು ಪೂರ್ಣಗೊಳಿಸಬೇಕು, ಇದರಿಂದ ಭವಿಷ್ಯದ ಯೋಜನೆಗಳು ಮತ್ತು ಹಸ್ತಕ್ಷೇಪಗಳು ಸಮಗ್ರ ಹಾಗೂ ನವೀಕೃತ ಮಾಹಿತಿಯ ಆಧಾರದ ಮೇಲೆ ರೂಪುಗೊಳ್ಳುವಂತಾಗುತ್ತದೆ.

ಮಕ್ಕಳ-ಕೇ0ದ್ರಿತ ಆಡಳಿತ ವ್ಯವಸ್ಥೆಗೆ ಕರೆ
ಈ ಸಮಸ್ಯೆ ಕೇವಲ ಅರ್ಜಿ ನಮೂನೆಯಲ್ಲಿರುವ ಒಂದು ಕ್ಷೇತ್ರವನ್ನು ಬದಲಾಯಿಸುವ ವಿಷಯವಲ್ಲ ಎಂದು ಸಮಾಲೋಚನಾ ಸಭೆ ಸ್ಪಷ್ಟಪಡಿಸಿತು. ತಂದೆಯ ಹೆಸರು ಇಲ್ಲದಿರುವುದು ಮಗುವಿನ ಶಿಕ್ಷಣ, ಗುರುತು, ದಾಖಲೆಗಳು, ಕಲ್ಯಾಣ, ಸಾಮಾಜಿಕ ಭದ್ರತೆ ಅಥವಾ ಸಾರ್ವಜನಿಕ ಸೇವೆಗಳಿಗೆ ಪ್ರವೇಶಕ್ಕೆ ಅಡ್ಡಿಯಾಗದಂತೆ ನೋಡಿಕೊಳ್ಳುವುದು ಇದರ ಮುಖ್ಯ ಉದ್ದೇಶವಾಗಿದೆ.
ತಂದೆಯ ಉಪಸ್ಥಿತಿ ಮತ್ತು ಲಭ್ಯತೆಯನ್ನು ಆಧಾರವಾಗಿಟ್ಟುಕೊಂಡಿರುವ ದಾಖಲೆ ವ್ಯವಸ್ಥೆಯಿಂದ ದೂರ ಸರಿದು, ವಿವಿಧ ಕುಟುಂಬ ಪರಿಸ್ಥಿತಿಗಳನ್ನು ಗುರುತಿಸುವ ಮಕ್ಕಳ-ಕೇಂದ್ರಿತ ಮತ್ತು ಹಕ್ಕು-ಆಧಾರಿತ ಆಡಳಿತ ವ್ಯವಸ್ಥೆಯತ್ತ ಸಾಗುವ ಅಗತ್ಯವನ್ನು ಭಾಗವಹಿಸಿದವರು ಒತ್ತಿಹೇಳಿದರು.
ಸರ್ಕಾರಿ ಅರ್ಜಿ ಅಥವಾ ಸೇವೆಗೆ ತಂದೆಯ ಹೆಸರು ಅಗತ್ಯವಿದೆ ಎಂಬ ಕಾರಣಕ್ಕಾಗಿ ಮಕ್ಕಳು ತಮ್ಮ ಕುಟುಂಬದ ಸೂಕ್ಷ್ಮ ಪರಿಸ್ಥಿತಿಗಳನ್ನು ಪದೇಪದೇ ವಿವರಿಸಲು, ಸಮರ್ಥಿಸಿಕೊಳ್ಳಲು ಅಥವಾ ಬಹಿರಂಗಪಡಿಸಲು ಒತ್ತಾಯಿಸಲ್ಪಡಬಾರದು ಎಂದು ಸಮಾಲೋಚನಾ ಸಭೆಯಲ್ಲಿ ತಿಳಿಸಲಾಯಿತು.
ಈ ಸಮಾಲೋಚನೆಯಿಂದ ಹೊರಬಂದ ಶಿಫಾರಸುಗಳನ್ನು ಸಂಬAಧಿತ ಇಲಾಖೆಗಳು ಮತ್ತು ಅಧಿಕಾರಿಗಳೊಂದಿಗೆ ಮುಂದಿನ ಆಡಳಿತಾತ್ಮಕ, ಕಾನೂನು ಮತ್ತು ನೀತಿ ಕ್ರಮಗಳಿಗಾಗಿ ಸಂಗ್ರಹಿಸಿ ಮುಂದಕ್ಕೆ ಕೊಂಡೊಯ್ಯಲಾಗುವುದು.
ತAದೆಯ ಹೆಸರು ಲಭ್ಯವಿಲ್ಲದಿರುವುದು, ತಿಳಿದಿಲ್ಲದಿರುವುದು ಅಥವಾ ನೀಡಲು ಸಾಧ್ಯವಾಗದಿರುವುದು ಮಾತ್ರ ಕಾರಣವಾಗಿ ಯಾವುದೇ ಮಗುವು ತನ್ನ ಹಕ್ಕು, ಸೇವೆ ಅಥವಾ ಅವಕಾಶವನ್ನು ಕಳೆದುಕೊಳ್ಳಬಾರದು ಎಂಬುದನ್ನು ಸಮಾಲೋಚನಾ ಸಭೆ ಪುನರುಚ್ಚರಿಸಿತು. ಕರ್ನಾಟಕ ರಾಜ್ಯ ಕಾನೂನು ಸೇವೆಗಳ ಪ್ರಾಧಿಕಾರದ ಸದಸ್ಯರಾದ ಟಿ.ವೆಂಕಟೇಶ್, ಕರ್ನಾಟಕ ರಾಜ್ಯ ಮಕ್ಕಳ ಹಕ್ಕುಗಳ ನಿಕಟ ಪೂರ್ವ ಸದಸ್ಯರಾದ ಡಾ. ಕೆ.ಟಿ ತಿಪ್ಪೇಸ್ವಾಮಿ ಮತ್ತು ಚಿಲ್ಡ್ರನ್ ಆಫ್ ಇಂಡಿಯಾ ಪೌಂಡೇಷನ್ ನ ಮ್ಯಾನೇಜರ್, ಜೆನಿಫರ್ ವೈ ಈ ಸಮಾಲೋಚನೆ ಆಯೋಜನೆ ಮಾಡಿ ಯಶಶ್ವಿಯಾಗಿ ನಡೆಸಿದರು.

ಸಮಾಲೋಚನಾ ಸಭೆಯಲ್ಲಿ ಭಾಗವಹಿಸಿದವರು
ಈ ಸಮಾಲೋಚನಾ ಸಭೆಯಲ್ಲಿ ಪ್ರಮುಖ ಸರ್ಕಾರಿ ಇಲಾಖೆಗಳು ಹಾಗೂ ಸಂಸ್ಥೆಗಳ ಪ್ರತಿನಿಧಿಗಳು ಭಾಗವಹಿಸಿದ್ದರು. ಅವರಲ್ಲಿ ಶ್ರೀ. ಶ್ರೀಧರ್, ಉಪ ಕಾರ್ಯದರ್ಶಿ, ಶ್ರೀ. ಮಹೇಶ್ ಬಾಬು, ವ್ಯವಸ್ಥಾಪಕ ನಿರ್ದೇಶಕರು, ಕರ್ನಾಟಕ ರಾಜ್ಯ ಮಹಿಳಾ ಅಭಿವೃದ್ಧಿ ನಿಗಮ; ಶ್ರೀಮತಿ ಹಲೀಮಾ, ಕಾರ್ಯದರ್ಶಿಗಳು,ಅರುಂಧತಿ, ಉಪ ನಿರ್ದೇಶಕರು, ಇಂದೂಮತಿ, ಉಪ ನಿರ್ದೇಶಕರು, ಆರೋಗ್ಯ ಇಲಾಖೆ; ಶ್ರೀ. ಆನಂದ್, ಸಹಾಯಕ ನಿರ್ದೇಶಕರು, ಪದವಿ ಪೂರ್ವ ಶಿಕ್ಷಣ ಇಲಾಖೆ; ಭವ್ಯ, ಉಪ ನಿರ್ದೇಶಕರು, ಹಿಂದುಳಿದ ವರ್ಗಗಳ ಕಲ್ಯಾಣ ಇಲಾಖೆ; ಶ್ರೀ. ಸತೀಶ್ ಕುಮಾರ್, ಉಪ ಪೊಲೀಸ್ ಅಧೀಕ್ಷಕರು, ಅIಆ; ಶ್ರೀ. ಪ್ರದೀಪ್, ರಾಜ್ಯ ಮಟ್ಟದ ಲೀಡ್ ಬ್ಯಾಂಕ್; ಶ್ರೀ. ಪರಶುರಾಮ ಶೆಟ್ಟಪ್ಪ, ಯೋಜನಾ ನಿರ್ದೇಶಕರು; ಹಾಗೂ ಶ್ರೀ. ಟಿ. ವೆಂಕಟೇಶ್, ಸದಸ್ಯರು, ಅವರು ಭಾಗವಹಿಸಿದ್ದರು.
ಇದಲ್ಲದೆ, ಡಾ. ಕೆ. ಟಿ. ತಿಪ್ಪೇಸ್ವಾಮಿ, ಮಾಜಿ ಸದಸ್ಯರು, ತೆಲಂಗಾಣ ಮತ್ತು ಆಂಧ್ರಪ್ರದೇಶ ರಾಜ್ಯ ಮಕ್ಕಳ ಹಕ್ಕುಗಳ ರಕ್ಷಣಾ ಆಯೋಗಗಳ ಪ್ರತಿನಿಧಿಗಳಾದ ಶ್ರೀಮತಿ ವಂದನಾ ಗೌಡರ್ ಮತ್ತು ಶ್ರೀ. ವಿ. ಗಾಂಧಿಬಾಬು; ಟೆರೆ ದೆಸ್ ಹೋಮ್ಸ್ ನೆದರ್ಲ್ಯಾಂಡ್ಸ್ ಸಂಸ್ಥೆಯ ಸಹಭಾಗಿತ್ವ ತಜ್ಞರಾದ ಶ್ರೀ. ಸುಬ್ರತ್ ಕುಮಾರ್ ಪಾಂಡಾ; ಹಾಗೂ ಚಿಲ್ಡ್ರನ್ ಆಫ್ ಇಂಡಿಯಾ ಫೌಂಡೇಶನ್ ಸಂಸ್ಥೆಯ ಪ್ರತಿನಿಧಿಗಳಾದ ಶ್ರೀ. ಹೇಮಂತ್ ಕುಮಾರ್, ಡಾ. ಎನ್. ವಿ. ವಾಸುದೇವ ಶರ್ಮಾ, ಶ್ರೀ. ಆನಂದ್ ಲೋಬೋ ಮತ್ತು ಶ್ರೀಮತಿ. ಅವರು ಸಹ ಈ ಸಮಾಲೋಚನಾ ಸಭೆಯಲ್ಲಿ ಭಾಗವಹಿಸಿದ್ದರು.