ಬೆಂಗಳೂರು : ಬಮೂಲ್ ಅಭಿವೃದ್ದಿ ಹೊಂದಲು ಹಾಲು ಉತ್ಪಾದಕರ ಜತೆಗೆ ಒಕ್ಕೂಟದಲ್ಲಿ ಕೆಲಸ ಮಾಡುವ ಕಾರ್ಮಿಕರ ಶ್ರಮವೂ ಹೆಚ್ಚಾಗಿದೆ.ಒಕ್ಕೂಟದ ಅಭಿವೃದ್ದಿಗೆ ಕಾರ್ಮಿಕರ ಶ್ರಮ ಸಹ ಕಾರಣ ಎಂದು ಬಮೂಲ್ ನಿರ್ದೇಶಕ ಬಿ.ವಿ ಸತೀಶ್ಗೌಡ ಹೇಳಿದರು
ಬಮೂಲ್ ಕೇಂದ್ರ ಕಚೇರಿಯ ಆವರಣದಲ್ಲಿ ಹಮ್ಮಿಕೊಂಡಿದ್ದ ಬಮೂಲ್ ಒಕ್ಕೂಟದ ಹೊರಗುತ್ತಿಗೆ ಕಾರ್ಮಿಕರಿಗೆ ಉಡುಗೊರೆ ವಿತರಣಾ ಸಮಾರಂಭದಲ್ಲಿ ಬಮೂಲ್ ನಿರ್ದೇಶಕ ಬಿ.ವಿ ಸತೀಶ್ ಗೌಡರು ಭಾಗವಹಿಸಿ ಮಾತನಾಡಿದರು.
೨೦೨೫-೨೬ನೇ ಸಾಲಿನಲ್ಲಿ ಬಮೂಲ್ ಲಾಭದಲ್ಲಿರುವ ಹಿನ್ನೆಲೆ ಬಮೂಲ್ ಒಕ್ಕೂಟದ ಕೇಂದ್ರ ಕಚೇರಿ, ಕನಕಪುರ ಹಾಲು ಉತ್ಪನ್ನಗಳ ಸಂಕೀರ್ಣದ ಶೀತಲ ಕೇಂದ್ರಗಳು ಹಾಗೂ ಶಿಬಿರಗಳಲ್ಲಿ ಕಾರ್ಯನಿರ್ವಹಿಸುತ್ತಿದ್ದ ಹೊರಗುತ್ತಿಗೆ ಕಾರ್ಮಿಕರಿಗೆ ಯುಗಾದಿ ವಿಶೇಷ ಉಡುಗೊರೆ ನೀಡುವುದಾಗಿ ಘೋಷಿಸಲಾಗಿತ್ತು. ಅದರಂತೆ ಇಂದು ೨೦೦೦ ಹೊರಗುತ್ತಿಗೆ ಕಾರ್ಮಿಕರಿಗೆ ೧೦ ಸಾವಿರ ರೂ. ಮೌಲ್ಯದ ಗೃಹೋಪಯೋಗಿ ವಸ್ತುಗಳನ್ನು ಉಡುಗೊರೆಯಾಗಿ ನೀಡಿ ಗೌರವಿಸಲಾಯಿತು.
ಬೆಂಗಳೂರು ಹಾಲು ಒಕ್ಕೂಟದಲ್ಲಿ ದಿನಗೂಲಿ ಕಾರ್ಮಿಕರಾಗಿ ಕೆಲಸ ಮಾಡುತ್ತಿರುವವರು, ಎಲ್ಲಾ ಕೌಟುಂಬಿಕ ಒತ್ತಡಗಳ ನಡುವೆಯೂ ಕಷ್ಟಪಟ್ಟು ಕೆಲಸ ಮಾಡಿ ಬಮೂಲ್ ಸಂಸ್ಥೆಗೆ ಗೌರವ ತಂದು ಕೊಡುತ್ತಿದ್ದಾರೆ.ನಿಮ್ಮಗೆ ಎಷ್ಟು ಅಭಿನಂದನೆ ಸಲ್ಲಿಸಿದರೂ ಸಾಲದು. ನಿಜವಾದ ಕಾರ್ಮಿಕರು ನೀವು… ನಿಮ್ಮನ್ನು ಎಷ್ಟು ಹೊಗಳಿದರೂ ಸಾಲುವುದಿಲ್ಲ. ನಿಮ್ಮ ಶ್ರಮಕ್ಕೆ ನಾವು ಏನೂ ಕೊಟ್ಟರೂ ಸಾಲುವುದಿಲ್ಲ. ಹೊಸ ಆಡಳಿತ ಮಂಡಳಿ ಬಂದ ಮೇಲೆ ಉತ್ತಮವಾದ ವಾತಾವರಣವನ್ನು ಸೃಷ್ಟಿ ಮಾಡಿ, ನಂದಿನಿ ಗುಣಮಟ್ಟವನ್ನು ಕಾಪಾಡುತ್ತ ಅಂತಾರಾಷ್ಟ್ರೀಯ ಮಟ್ಟದಲ್ಲಿ ಗ್ರಾಹಕರಿಗೆ ಹತ್ತಿರವಾಗುತ್ತಿದ್ದೇವೆ. ನಂದಿನಿಯನ್ನು ಇನ್ನೂ ಎತ್ತರಕ್ಕೆ ಕೊಂಡೊಯ್ಯಲು ನಾವೆಲ್ಲರೂ ಒಗ್ಗಟ್ಟಾಗಿ ಕೆಲಸ ಮಾಡೋಣ ಎಂದರು
